အလ္လာဟ်အရှင်မြတ်သည် ကျွန်ုပ်တို့အား ဒွန်ယာလောကသို့ အလွန်တိုတောင်းသောကာလအတွက် စေလွှတ်ခဲ့ခြင်းဖြစ်သည်။

အလ္လာဟ်အရှင်မြတ်သည် ကျွန်ုပ်တို့အား ဒွန်ယာလောကသို့ အလွန်တိုတောင်းသောကာလအတွက် စေလွှတ်ခဲ့ခြင်းဖြစ်သည်။ 

ကျွန်ုပ်တို့သည် ၎င်းကာလအတွင်း အာခိရသ်(နောင်တမလွန်)အတွက် အလုပ်များစွာ လုပ်ရမည်ဖြစ်သည်။ ဤခံစားချက်ကို အမြဲတန်း လန်းဆန်းစေသင့်ပါသည်။ ကျမ်းမြတ်ကုရ်အာန်သည် နေရာပေါင်းများစွာ၌ ၎င်းအချက်အပေါ် အာရုံလှည့်စေပါသည်။ ဒွန်ယာလောကကို ယာယီ၊ ၎င်း၏ဥစ္စာပစ္စည်းများကို တန်ဖိုးမရှိသော၊ အလွန်နည်းပါးသော သို့သာမက လှည့်စားမှုဟု သတ်မှတ်ထားပါသည်။ ဒွန်ယာနှင့် ၎င်း၏အချစ်: ––––––––––––––––––––– 

ဟကီမုလ်အွမ္မသ် ဟဇ်ရသ်မော်လာနာ အရ်ှရဖ်အလီထာနဝီ(رحمہ اللہ) အမိန့်ရှိသည်: အဘယ်အရာတွင် လက်ရှိကာလ၌ မိမိအတွက် အကျိုးအမြတ်ရှိပြီး အာခိရသ်တွင် ၎င်း၏အကျိုးအမြတ် မရရှိပါက ၎င်းသည် ဒွန်ယာဖြစ်သည်။ အဘိဓါန်အရ ဒွန်ယာဟူသည် နီးကပ်သောအရာကို ခေါ်သည်။ လူတို့၏အသုံးအနှုန်းတွင် မသေခင်အခြေအနေကို ချွင်းချက်မဲ့ ခေါ်ဆိုသည်။ ရှရီအသ်တရားတော်အရ သီးသန့် အာခိရသ်မှတားစီးသော အခြေအနေကို ခေါ်သည်။ ထို့ပြင် အာခိရသ်မှ တားစီးရန် အကြောင်းခံဖြစ်သော ဒွန်ယာ၏ပစ္စည်းဥစ္စာများကိုလည်း ခေါ်ဆိုလေ့ရှိသည်။ သို့ရှိရာ အာခိရသ်နှင့် ရယူဆည်းပူးရန် အရေးကြီးသောအရာများမှ အတားအစီးဖြစ်သော ပြောဆိုမှုပိုင်းဆိုင်ရာ သို့မဟုတ် လုပ်ရပ်နှင့်ကျင့်စဉ်ကျင့်ရပ် (သို့) ယုံကြည်ချက်နှင့် အသိပညာပိုင်းဆိုင်ရာ အခြေအနေများ၊ ထိုနည်းတူသော ဥစ္စာပစ္စည်းများ အားလုံးသည် ဟရာမ်ဖြစ်သော၊ ရှုတ်ချအပ်သော ဒွန်ယာတွင် အကျုံးဝင်ပါသည်။ ၎င်းတို့သည် ရှုတ်ချအပ်သောအရာများ ဖြစ်ကြောင်း မည်သူတစ်ဦးတစ်ယောက်မျှ သံသယမဖြစ်နိုင်ပေ။ ဒွန်ယာ၏ ပြဿနာများ၊ အကွဲအပြဲများ၊ အဖန်ဆင်းခံများနှင့် တည်ရှိနေသောအရာဝတ္ထုများနှင့် ဆက်နွယ်နေခြင်းကို ဒွန်ယာ၏အချစ် ဟု ခေါ်သည်။ သို့သော် သေပြီးနောက် အကျိုးအမြတ်ရရှိမည့် အလ္လာဟ်အရှင်အားသိရှိမှုနှင့် ကောင်းသောလုပ်ငန်းများသည် ဒွန်ယာတွင် ဖြစ်ပေါ်လေ့ရှိသော်လည်း တကယ်တမ်း ၎င်းသည် ဒွန်ယာထဲတွင် မပါဝင်ပါ။ ၎င်းတို့၏အချစ်မှာ ဒွန်ယာ၏အချစ် မဟုတ်ဘဲ အာခိရသ်၏အချစ် ဖြစ်သည်။ (شریعت اور طریقت از حضرت تھانوی : ص 206) ဂုနာဟ်အကုသိုလ်အပေါင်း၏ အခြေခံအုတ်မြစ်: -------------------------------------------- 

ဟကီမုလ်အွမ္မသ် ဟဇ်ရသ်မော်လာနာ အရ်ှရဖ်အလီထာနဝီ(رحمہ اللہ) အမိန့်ရှိသည်: ယေဘုယျအားဖြင့် ကျွန်ုပ်တို့တွင် ရောဂါအမျိုးမျိုး တွေ့ရှိရတတ်သည်၊ သို့သော် ကုရ်အာန်နှင့်ဟဒီးဆ်မှ ရှင်းလင်းစွာ သိရှိရသည်မှာ ရောဂါအပေါင်း၏အရင်းအမြစ်မှာ ဒွန်ယာ၏အချစ် တစ်ခုတည်းသာ ဖြစ်သည်။ ဒွန်အာ၏အချစ် ရှိသောသူသည် အာခိရသ်ကို လုံးဝ အရေးပေးမည်မဟုတ်။ အာခိရသ်ကို အရေးမပေးပါက ထိုသူသည် ကောင်းမှုများအား ဆောင်ရွက်မည် မဟုတ်သလို မကောင်းမှုများမှ ရှောင်ကြဉ်မည်လည်း မဟုတ်ပါ။ ထိုနည်းအတိုင်းပင် ၎င်း၏ပြောင်းပြန်။ အာခိရသ်၏သောက ရှိပါက ဂုနာဟ်အကုသိုလ်များ မကျူးလွန်မိတော့ပေ။ အကြောင်းမှာ ဒွန်ယာ၏အချစ်ကြောင့် သာသနာရေးသောက လျော့နည်းသွားသည်။ ဒွန်ယာ၏အချစ် ရှိသလောက်အဆင့်ပင် သာသနာရေးသောက လျော့နည်းမည်။ အကယ်၍ ဒွန်ယာ၏အချစ် ပြီးပြည့်စုံစွာ ရှိနေမည်ဆိုလျင် သာသနာရေးသောကမဲ့မှုမှာ ပြီးပြည့်စုံစွာ ရှိလိမ့်မည်။ (شریعت اور طریقت از حضرت تھانوی : ص 207) ဒွန်ယာ၏ ဥစ္စာပစ္စည်းများ : ------------------------- 

ကျမ်းမြတ်ကုရ်အာန်သည် တစ်နေရာတွင် ဒွန်ယာ၏ ဥစ္စာပစ္စည်းများနှင့် ပတ်သက်၍ တိုတောင်းသော်လည်း ပြီးပြည့်စုံသော ရှင်းလင်းချက်ကို ဤသို့မိန့်ဆိုထားသည်: زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِيْنَ وَالْقَنَاطِيْرِ الْمُقَنْطَرَةِ مِنَ الذَّهَبِ وَ الْفِضَّةِ وَ الْخَيْلِ الْمُسَوَّمَةِ وَ الْأَنْعَامِ وَ الْحَرْثِ ذٰلِكَ مَتاعُ الْحَيَاةِ الدُّنْيَا وَ اللٰهُ عِنْدَهُ حُسْنُ الْمَآبِ۔ سورۃ آل عمران ، آیت نمبر 14 အဓိပ္ပါယ်: လူတို့အတွက် ၎င်းတို့၏အလိုရမက်နှင့် ကိုက်ညီသောအရာများ၏ အချစ်ကို လှပအောင်ချယ်သခြင်းခံထားရသည်။ ဆိုလိုသည်မှာ အမျိုးသမီးများ၊ သားသမီးများ၊ ရွေငွေအစုအပုံများ၊ တံဆိပ်ကပ်ထားသောမြင်းကောင်းများ၊ ခြေလေးချောင်းတိရစ္ဆာန်များနှင့် လယ်ယာများ။ ဤအရာအားလုံးသည် လောကီဘဝ၏ ဥစ္စာပစ္စည်းများ ဖြစ်သည်။ တကယ်တမ်း ထာဝရရလဒ်၏ (စစ်မှန်သော)လှပမှုမှာ အလ္လာဟ့်ထံပါးတွင် ရှိသည်။ (၎င်းသည် သေပြီးနောက်တွင် အကျိုးဖြစ်စေမည်။) ဟဇ်ရသ်ထာနဝီ(رحمۃ اللہ علیہ)၏ အတွေးအမြင်: အထက်ပါအာယသ်နှင့် ပတ်သက်၍ ဟကီမုလ်အွမ္မသ် မုဂျဒ္ဒိဒုလ်မိလ္လသ် ဟဇ်ရသ်အတ်က်ဒတ်စ် မော်လာနာ အရ်ှရဖ်အလီထာနဝီ(رحمہ اللہ) အမိန့်ရှိသည်: ဤအရာများ၏အချစ်သည် လှပတင့်တယ်သည်ဟု ထင်မြင်ရကြောင်း မိန့်ဆိုထားခြင်း၏ အနှစ်ချုပ်မှာ ကျွန်ုပ်၏အတွေးအမြင်အရ ဤသို့ဖြစ်သည်: အချစ်နှင့် စိတ်ပါမှုသည် များသောအားဖြင့် ဖိသ်နဟ်၏အကြောင်းခံ ဖြစ်သွားတတ်သောကြောင့် ကြောက်ရမည့်အရာ ဖြစ်သည်။ သို့သော်လည်း လူအများစုသည် ၎င်းအား ဆုံးရှုံးစေမည့်အရာဟု မထင်မှတ်ဘဲ ၎င်းစိတ်ပါမှုကို အကြွင်းမဲ့ ကောင်းသောအရာဟု ထင်မြင်ကြသည်။ လူတို့၏ စိတ်နေစိတ်ထားများမှာ အမျိုးမျိုးရှိသောကြောင့် အမျိုးမျိုးသောအရာများကို တင်ပြထားသည်။ တချို့က အမျိုးသမီးများကို ပို၍ချစ်ခင်ကြပြီး တချို့က သားသမီးများကို၊ တချို့က ရွှေငွေကို၊ တချို့က မြင်းများကို၊ တချို့က နွားများနှင့် လယ်ယာများကို (ပို၍ ချစ်ခင်စွဲမက်ကြသည်။) တချို့က အမျိုးသမီးများကို အဘယ်မျှ ချစ်ခင်စွဲမက်ကြသည်ဆိုရသော် နေ့၊ည ၎င်းတွင်ပင် မွေ့လျှော်နေသည်၊ အချိန်တိုင်းတွင် ဤအတွေးသာ ရှိသည်။ တချို့က သားသမီးများကို အဘယ်မျှ လိုလားတောင့်တကြသည် ဆိုသော် သားရရှိရန်၊ မြေးရရှိရန်၊ မြစ်ရရှိရန်သာ နေ့၊ည ရူးသွပ်နေကြသည်။ တချို့ခေါင်းဆောင်များက နွားများနှင့် မြင်းများကို အဘယ်မျှ ချစ်ခင်ကြသည် ဆိုရသော် တိုင်းပြည်ကိုပါ ဖျက်စီးပစ်လိုက်ကြသည်။ အကြောင်းမှာ အချစ်လွန်ကဲမှုတွင် ရူးသွပ်မှုရှိသည်။ (شریعت اور طریقت از حضرت تھانوی : ص 210) စုန်းမအိုကြီး : ------------- 

ဟကီမုလ်အွမ္မသ် ဟဇ်ရသ်မော်လာနာ အရ်ှရဖ်အလီထာနဝီ(رحمہ اللہ) အမိန့်ရှိသည်: ဒွန်ယာ၏ပုံရိပ်အမှန်ကို မသိရှိကြသောကြောင့် လူများသည် ၎င်းအပေါ် အသက်ပေးနေကြသည်။ အကယ်၍ ၎င်း၏ပုံရိပ်အမှန်ကို သိရှိသွားလျင် အလွန်တရာ မုန်တီးသွားမည်။ ပမာအားဖြင့် စုန်းမအိုကြီးတစ်ယောက်ကို အနီရောင်ပိုးထည်အင်္ကျီ ဝတ်ဆင်ပေးပြီး မျက်နှာကို ဖုံးအုပ်ပေးထားလိုက်လျင် တစ်ဦးတစ်ယောက်က ၎င်းအား ချောမေ