ကိုရိုနာဗိုင်းရပ်စ်နှင့် ပတ်သက်၍ တချို့သောမေးခွန်းများနှင့် ၎င်းတို့အတွက် ကျေနပ်ဖွယ်အဖြေများ || Myanmar Bayan

ကိုရိုနာဗိုင်းရပ်စ်နှင့် ပတ်သက်၍ တချို့သောမေးခွန်းများနှင့် ၎င်းတို့အတွက် ကျေနပ်ဖွယ်အဖြေများ ------------------------------------ ကမ္ဘာ့အဝှမ်းမှ မြောက်များစွာသော အမျိုးသား၊အမျိုးသမီးများမှ ကိုရိုနာဗိုင်းရပ်စ်နှင့်စပ်လျဉ်း၍ တချို့သောမေးခွန်းများ မေးမြန်းခဲ့သည်။ ၎င်းတို့အား သီးခြားစီ အဖြေများလည်း ပေးခဲ့ပြီးဖြစ်သည်။ ယခု စာရှုသူတို့အဖို့ လွယ်ကူစေရန် ၎င်းတို့ကို တစ်နေရာတည်း၌ စုစည်းလိုက်ပါသည်။ မေးခွန်းနံပါတ်(၁) - ချစ်ခင်လေးစားရပါသော ဆရာသခင်ကြီး မုသကလ္လိမေအစ္စလာမ် မော်လာနာ မုဟမ္မဒ်အိလ်ယားစ်ဂွမ္မန်(حفظه الله)၊ လျှောက်ထားလိုသည်မှာ ကိုရိုနာဗိုင်းရပ်စ်နှင့်ပတ်သက်၍ ကြိုတင်ကာကွယ်မှုနည်းလမ်းများဖြစ်သော မျက်နှာကိုဖုံးအုပ်ခြင်း၊ လက်ဆေးခြင်း၊ အပြင်သို့မသွားခြင်း၊ လက်ဆွဲနှုတ်ဆက်မှုမပြုခြင်း အစရှိသည်များ။ တရားတော်အရ ၎င်းတို့၏အဆင့်မှာ မည်သို့ရှိပါသနည်း။ အဖြေ - ကိုရိုနာဗိုင်းရပ်စ် ကပ်ရောဂါအတွက်ကြောင့် ဆေးဘက်ဆိုင်ရာကျွမ်းကျင်သူများမှ အကြံပြုတင်ပြထားသော ကြိုတင်ကာကွယ်မှုနည်းလမ်းများအပေါ် ကျင့်သုံးခြင်းသည် သာသနာ့သွန်သင်ချက်များနှင့် လုံးဝကိုက်ညီပါသည်။ ကပ်ရောဂါတစ်ခုခု အဖြစ်များနေချိန်တွင် သင့်လျော်သော ကြိုတင်ကာကွယ်မှုများ ပြုလုပ်ခြင်းသည် သဝက္ကုလ်နှင့် လုံးဝမဆန့်ကျင်ပါ။ ကျန်းမာရေးဝန်ကြီးဌာနမှ ထုတ်ပြန်ထားသော နည်းလမ်းများအပေါ် ပြည့်ပြည့်ဝဝ ကျင့်သုံးရန် တရားတော်အရလည်း အရေးကြီးပါသည်။ မေးခွန်းနံပါတ်(၂) - ကိုရိုနာဗိုင်းရပ်စ် ပျံ့နှံ့ခြင်းကြောင့် တချို့နိုင်ငံများတွင် ဗလီဝတ်ကျောင်းတော်များအား ပိတ်လိုက်ပြီဖြစ်သည်။ ဂျုမုအဟ်နမားဇ်နှင့် ဂျမာအသ်ဖြင့်နမားဇ်တို့ကို အိမ်တွင်ဖတ်ရန် အမိန့်ထုတ်ထားသည်။ ဤအခြေအနေမျိုးတွင် အိမ်များ၌ တစ်ဦးချင်းစီ နမားဇ်ဖတ်ရမည်လား? သို့မဟုတ် ဂျမာအသ်ဖြင့် ဖတ်ရမည်လား? အဖြေ - ဗလီများအားပိတ်ခြင်းနှင့် ဂျုမုအဟ်နေ့စုဝေးမှုများအား ပိတ်ပင်ခြင်းသည် မမှန်ကန်ပါ။ သို့သော် ဗလီများအား အာဏာပိုင်က ပိတ်ပင်သည့်အတွက်ကြောင့် လူကြီးမင်းအပေါ် အပြစ်မထိုက်ဘဲ အာဏာပိုင်အပေါ် အပြစ်ထိုက်လိမ့်မည်။ သို့သော် ပေါက်ရောက်သောပုဂ္ဂိုလ်များအနေဖြင့် အစိုးရအရာရှိများနှင့် တာဝန်ရှိသူများအား ရှင်းပြရမည်။ ဤသို့သောအခြေအနေမျိုးတွင် ဂျမာအသ်ဖြင့်နမားဇ်များအတွက် ကျင့်သုံးရမည့်ပုံစံမှာ နမာဇီသည် စွန္နသ်များအား အိမ်မှဖတ်၍လာရမည် ဖြစ်ပြီး နမားဇ်အပြီး စွန္နသ်များကိုလည်း ဗလီအစား အိမ်ပြန်၍ပင် ဖတ်ရမည်၊ အကြောင်းမှာ စွန္နသ်များအား အိမ်တွင်ဖတ်ခြင်းသည် ပိုမြတ်သည်။ ထိုနည်း၎င်းပင် နမာဇီပုဂ္ဂိုလ်များသည် ဝုဇူကိုလည်း အိမ်မှပင် ပြုလုပ်၍လာသင့်သည်။ ဂျုမုအဟ်နမားဇ်နှင့် ကျန်အိဗာဒသ်များအား အတိုချုံ့၍ပြုလုပ်ခြင်းသည်သာ ပိုကောင်းသည်။ အကယ်၍ အာဏာပိုင်က အိမ်များတွင် နမားဇ်ဝတ်ပြုရန် ဆုံးဖြတ်လိုက်ပါက ထိုအခြေအနေမျိုးတွင် အိမ်၌ ဂျမာအသ်ဖြင့် သို့မဟုတ် တစ်ဦးချင်းစီ ပုံစံနှစ်မျိုးစလုံးဖြင့် နမားဇ်ဝတ်ပြုခြင်း ပိုင်ပါသည်။ ဂျမာအသ်ဖြင့်ဝတ်ပြုခြင်းသည် ပိုမြတ်သည်။ မေးခွန်းနံပါတ်(၃) - အဇာန်ပြီးနောက် صلوا فی بیوتکم သို့မဟုတ် صلوا فی رحالکم ဟု ပြောခြင်းမှာ မည်သို့နည်း? အဖြေ - သီးသန့်အချိန်အခါများတွင် ဤကဲ့သို့သောစကားလုံးများ ပြောဆိုခြင်းသည် ဟဒီးဆ်တွင်အထောက်အထားရှိသည် : ဟဇ်ရသ် အဗ်ဒုလ္လာဟ်ဗင်န်အုမရ်(رضي الله عنهما)သည် အေးစက်ပြီး မိုးသည်းထန်စွာရွာသော ညတစ်ညတွင် အဇာန်ဆိုခဲ့သည်။ ထို့နောက် ဤသို့ကြွေးကြော်လိုက်သည် ألا صلوا في الرحال‏ အို လူတို့! မိမိတို့၏ နေအိမ်များ၌သာ နမားဇ်ဖတ်လိုက်ကြပါ။ ထို့နောက် အမိန့်ရှိသည်မှာ တမန်တော်မြတ်(صلى الله عليه وسلم)သည် အေးစက်ပြီး မိုးသည်းထန်စွာရွာသော ညများတွင် မုအဇ္ဇင်န်အား ဤသို့ကြေညာလိုက်ရန် အမိန့်ပေးလေ့ရှိခဲ့သည်: အို လူတို့! မိမိတို့၏ နေအိမ်များ၌သာ နမားဇ်ဖတ်လိုက်ကြပါ။ (ဆွဟီးဟ်ဗုခါရီကျမ်း၊ ဟဒီးဆ်အမှတ် ၆၆၆) မေးခွန်းနံပါတ်(၄) - ဂျုမုအဟ်နေ့တွင်လည်း ဗလီများ ဖွင့်မည်မဟုတ်ပါ၊ ဂျုမုအဟ်နမားဇ်နှင့် ခုသ်ဗဟ် ဖြစ်မည်မဟုတ်ပါ။ သို့ရှိရာ ဤအခြေအနေမျိုးတွင် ဇိုဟိုရ်ဝတ်ပြုရမည်လား? သို့မဟုတ် ဂျုမုအဟ်နမားဇ် ဝတ်ပြုရမည်လား? ထို့အတူ အကယ်၍ လူ၂ဦး၊ ၃ဦးက မိမိတို့အိမ်(သို့)အခန်းတွင် စုပေါင်း၍ ဂျုမုအဟ်နမားဇ်ဝတ်ပြုမည်ဆိုလျင် မည်သို့နည်း။ အဖြေ - အစက တင်ပြခဲ့သကဲ့သို့ပင် ဗလီများအားပိတ်ခြင်းနှင့် ဂျုမုအဟ်အားပိတ်ပင်ခြင်းမှာ မပိုင်ပါ။ ဂျုမုအဟ်ကို ဗလီမှာပင် ဝတ်ပြုသင့်ပါသည်။ သို့သော် အကယ်၍ အာဏာပိုင်ဘက်မှ တားမြစ်ထားပါက ဤအခြေအနေမျိုးတွင် နေရာတချို့၌ လူတစ်ချို့စုစည်း၍ ဂျုမုအဟ်ဝတ်ပြုလိုက်ပါ။ အကြောင်းမှာ အဟ်နားဖ်ထံတွင် ဂျုမုအဟ်နမားဇ်အတွက် အိမာမ်မှအပ လူ၃ယောက်ရှိလျင် လုံလောက်သည်။ ထို့ကြောင့် ဤသို့သောအခြေအနေတွင် လူတစ်ယောက်အား အိမာမ်အဖြစ်ပြုလုပ်လိုက်ရမည် ဖြစ်ပြီး ခုသ်ဗဟ်အနည်းငယ် ပေးလိုက်ရမည်။ ခုသ်ဗဟ်တွင် အလ္လာဟ်အရှင်မြတ်အား ချီးမွမ်းထောပနာပြုခြင်းနှင့် သတ်က်ဝါအကြောင်း ပါရှိရမည်။ အကယ်၍ ဗလီတွင် ဂျုမုအဟ်ဝတ်ပြုရန် ဖြစ်နိုင်ပါက ထိုအခြေအနေတွင် ဗလီတွင် ဂျုမုအဟ်သာလျင် ဝတ်ပြုရမည်။ မေးခွန်းနံပါတ်(၅) - အိမ်တွင် ဂျုမုအဟ်နမားဇ်ဖတ်ရန် ရှိလာပါက ၎င်းအတွက် ခုသ်ဗဟ်အတိုလေးတစ်ပုဒ်လောက် ပြသပေးပါ။ အဖြေ - အောက်တွင် ဂျုမုအဟ်အတွက် ခုသ်ဗဟ်အတိုလေး ရေးသားတင်ပြလိုက်သည် : ပထမခုသ်ဗဟ် اِنَّ الْحَمْدَ لِلہِ نَحْمَدُہٗ وَنَسْتَعِیْنُہٗ وَنَسْتَغْفِرُہٗ وَنَعُوْذُ بِاللہِ مِنْ شُرُوْرِ أَنْفُسِنَا وَمِنْ سَیِّئَاتِ أَعْمَالِنَا۔ وَأَشْھَدُ أَنْ لَا اِلٰہَ اِلَّااللہُ وَحْدَہٗ لَاشَرِیْکَ لَہٗ وَأَشْھَدُ أَنَّ مُحَمَّدًا عَبْدُہٗ وَرَسُوْلُہٗ أَمَّا بَعْدُ: فَاِنَّ خَیْرَ الْحَدِیْثِ کِتَابُ اللہِ وَخَیْرَ الْھَدْیِ ھَدْیُ مُحَمَّدٍ صَلَّی اللہُ عَلَیْہِ وَسَلَّم۔ بَارَکَ اللہ لَنَا وَلَکُمْ فِی الْقُرْآنِ الْعَظِیْمِ وَنَفَعَنَا وَاِیَّاکُمْ بِالْکِتَابِ وَالْذِّکْرِ الْحَکِیْمِ اِنَّہٗ تَعَالٰی جَوَّادٌ کَرِیْمٌ ဒုတိယခုသ်ဗဟ် اَلْحَمْدُ لِلہِ رَبِّ الْعٰلَمِیْنَ وَالْعَاقِبَۃُ لِلْمُتَّقِیْنَ۔ اَللّٰهُمَّ صَلِّ وَسَلِّمْ وَبَارِکْ عَلٰی سَیِّدِنَا وَمَوْلَانَا مُحَمَّدٍ وَّاَزْوَاجِهٖ وَذُرِّیَّتِهٖ وَصَحْبِهٖ اَجْمَعِیْن۔ قَالَ النَّبِیُّ صَلَّی اللہُ عَلَیْہِ وَسَلَّم: خَیْرُ اُمَّتِیْ قَرْنِیْ ثُمَّ الَّذِیْنَ یَلُوْنَھُمْ ثُمَّ الَّذِیْنَ یَلُوْنَهُمْ۔ انَّ اللهَ یَأْمُرُ بِالْعَدْلِ وَالْاِحْسَانِ وَاِیْتَآءِ ذِی الْقُرْبٰی وَیَنْهٰی عَنِ الْفَحْشَآءِ وَالْمُنْکَرِ وَالْبَغْيِ یَعِظُکُمْ لَعَلَّکُمْ تَذَکَّرُوْنَ မေးခွန်းနံပါတ်(၆) - ဇနီး(သို့)တခြားသော မဲဟ်ရမ်အမျိုးသမီးများနှင့်အတူ ဂျမာအသ်ဖြင့် နမားဇ်ဝတ်ပြုခွင့် ရှိပါသလား။ အဖြေ - ဇနီးနှင့် တခြားသော မဲဟ်ရမ်အမျိုးသမီးများနှင့်အတူ ဂျမာအသ်ပြုလုပ်ခွင့် ရှိပါသည်။ ဤသို့သောအခြေအနေတွင် အမျိုးသမီးသည် အဘယ်မျှခန့် နောက်ဆုတ်၍ ရပ်ရမည်ဆိုသော် စဂ်ျဒဟ်၏အခြေအနေတွင် ၎င်း၏ဦးခေါင်းသည် အိမာမ်၏ခြေထောက်၏ အနောက်တွင်ရှိနေရမည်။ အကယ်၍ ကလေးများသည်လည်း ဂျမာအသ်တွင်ပါဝင်ပါက အရှေ့ဆုံးတွင် အိမာမ်ရပ်ရမည်၊ ထို့နောက် ကလေးများ(ယောက်ျားလေးများ) ရပ်ရမည်၊ ထို့နောက် အမျိုးသမီးရပ်ရမည်။ အကယ်၍ ကလေးတစ်ဦးတည်းသာ ရှိပါက အိမာမ်၏ညာဘက်တွင် ရပ်ရမည်၊ အနောက်တွင် အမျိုးသမီးရပ်ရမည်။ မေးခွန်းနံပါတ်(၇) - မျက်နှာဖုံး(Mask)တပ်ဆင်၍ နမားဇ်ဖတ်ခွင့်ရှိပါသလား? အဖြေ - မလိုအပ်ဘဲ မျက်နှာကို မျက်နှာဖုံး(Mask) သို့မဟုတ် အဝတ်တစ်ခုခုဖြင့် ဖုံးအုပ်ခြင်းမှာ မသင့်လျောပါ။ သို့သော် မလွဲသာသောအကြောင်းတစ်ခုခုကြောင့် သို့မဟုတ် ရောဂါပြန့်ပွားမည်ကို စိုးရိမ်ရပါက မျက်နှာဖုံး(Mask)တပ်ဆင်၍ နမားဇ်ဝတ်ပြုရာတွင် တစ်စုံတရာ ပြဿနာမရှိပါ။ မေးခွန်းနံပါတ်(၈) - အိမ်များ၌ လိုအပ်သောပစ္စည်းများအား စုဆောင်းသိုလှောင်ထားခြင်း ပိုင်ပါသလား? အဖြေ - လိုအပ်ချက်နှင့်အညီ ပစ္စည်းများ ဝယ်ယူစုဆောင်းခြင်း ပြုပိုင်သည်။ သို့သော် စျေးကွက်၌ ရှားပါးသွားစေသည့်တိုင်အောင် ပစ္စည်းများ ဝယ်ယူစုဆောင်းခြင်း မပြုပိုင်ပါ။ မေးခွန်းနံပါတ်(၉) - အကယ်၍ ကိုရိုနာဗိုင်းရပ်စ်ဖြင့် သေဆုံးသွားသည့်သူ၏ အလောင်းအား အာဏာပိုင်များမှ ပြန်ပေးသော်လည်း ဖွင့်ခွင့်မရှိသည့်အပြင် အာဏာပိုင်များဘက်မှ ထုပ်ပိုးထားသော အလောင်းအတိုင်းသာ သဂြိုလ်ရမည်ဆိုပါက ၎င်းအား ရေးချိုးခြင်းနှင့် ကဖန်ကိစ္စရပ်များအား မည်သည့်ပုံစံ ဆောင်ရွက်ရမည်နည်း? အဖြေ - သေသူအား ရေချိုးပေးခြင်းသည် ဝါဂျိဗ်ဖြစ်ပြီး အကြောင်းမဲ့ စွန့်လွှတ်ခြင်းမပိုင်ပါ။ အကယ်၍ အာဏာပိုင်များက ဆွေမျိုးများအား အလောင်းပြန်ပေးသော်လည်း ဖွင့်ခြင်းကို တားမြစ်ထားပြီး ချိုးဖောက်ပါက ပြစ်ဒဏ်ခတ်ခံရရန် ကြိမ်းသေပါက သို့မဟုတ်) အခိုင်အမာစိုးရိမ်ရပါက ထိုအခြေအနေများ၌ အောက်ဖော်ပြပါ ပုံစံများအနက်မှ အစဉ်လိုက် လက်တွေ့တွင်ဖြစ်နိုင်သောပုံစံကို ရွေးချယ်ဆောင်ရွက်ပါ : အကယ်၍ ဆေးရုံးဝန်ထမ်းများ၌ ဤကဲ့သို့သောသေသူအတွက် ပလက်စတစ် စသဖြင့် လုံခြုံစွာပိတ်နိုင်သည့် အရာများရှိပါက ၎င်းတို့အနေဖြင့် ဤသို့သောသေသူအား ရေချိုးပေးပြီး သေသူနှင့်သက်ဆိုင်သူများအား အပ်နှံလိုက်ပါ။ အကယ်၍ ဆေးရုံဝန်ထမ်းများက ရေချိုးပေးရန် ငြင်းဆန်ပါက သေသူ၏ခန္ဓာကိုယ်ပေါ်တွင်ရှိသော အဝတ်အစားနှင့်တကွပင် ရေပိုက်တစ်ခုခုအောက်တွင် ထား၍ သို့မဟုတ် အဝေးမှ ပိုက် စသဖြင့် အရာများနှင့် ရေလောင်း၍ ရေချိုးပေးရမည်။ အကယ်၍ သေသူအား ပလက်စတစ် အစရှိသည်များဖွင့်၍ ရေပိုက် စသည်များနှင့် ရေချိုးပေးရာ၌ ရေချိုးပေးသူအား ရောဂါကူးစပ်သွားမည်ကို စိုးရိမ်ရပါက ပိတ်ထားသော ပလက်စတစ်အပေါ်မှ ရေချိုးပေးသည့်နိယသ်ဖြင့် ရေလောင်းပေးလိုက်ရမည်။ အဘယ်ကြောင့်ဆိုသော် သေသူအားရေချိုးပေးခြင်းနှင့် ဂျနာဇာဝတ်ပြုခြင်းသည် ဝါဂျိဗ်ဖြစ်သည်။ ဤသို့ပြုခြင်းသည် သေသူအတွက် မွတ်စ်လင်မ်များအပေါ် တာဝန်ဝတ္တရားတစ်ရပ် ဖြစ်သည်။ ရောဂါပျံ့နှံ့မည်ကို စိုးရိမ်ရသည့်အတွက်ကြောင့်နှင့် ဤတာဝန်ဝတ္တရားမှာ မပျက်ပြယ်သွားပါ။ မေးခွန်းနံပါတ်(၁၀) - ဤအချိန်အခါ၌ ကျွန်ုပ်တို့အား တရားတော်မှ ဒွန်ယာနှင့်အာခိရသ်၏ အခက်အခဲများမှ လွတ်မြှောက်မှုရရှိစေရန် မည့်သို့သောအရာများအား လုပ်ဆောင်ရန် အမိန့်ရှိထားသနည်း? အဖြေ - ဤအချိန်အခါ၌ သုံးခုသောအရာအား အလေးအနက်ထားဆောင်ရွက်ပါ။ ၁။ မိမိတို့၏ အပြစ်ဂုနာဟ်များမှ သောင်ဗဟ်(အမှားဝန်ချတောင်းပံမှု) ပြုလုပ်ပါ။ ၂။ တတ်စွမ်းနိုင်သလောက် ဆွဒကဟ်၊ အလှူဒါနပြုလုပ်ပါ။ ၃။ စွန္နသ်တော်လာ တောင်းဆုဒိုအာများအား အလေးအနက်ထား တောင်းခံပါ။ ဟဇရသ် အုမရ်(رضي الله عنه)သခင်ထံမှ ဆင့်ပြန်လာရှိသည်၊ တမန်တော်မြတ်(صلى الله عليه وسلم)အမိန့်ရှိတော်မူသည်: အကြင်သူသည် အခက်အခဲ၊ဒုက္ခရောက်နေသူ တစ်ဦးဦးအား တွေ့မြင်ပြီး ဤဒိုအာ اَلْحَمْدُ لِلّٰہِ الَّذِیْ عَافَانِی مِمَّا ابْتَلاَکَ بِہٖ وَفَضَّلَنِیْ عَلٰی کَثِیرٍ مِمَّنْ خَلَقَ تَفْضِیلاً အဓိပ္ပါယ်: ချီးမွမ်းခြင်းအပေါင်းသည် အလ္လာဟ်အရှင်မြတ်အတွက်သာ ဖြစ်သည်၊ ထိုအရှင်မြတ်သည် အသင့်အား နစ်မွန်းစေသည့်ဒုက္ခမှ ကျွန်ုပ်အား လွတ်မြှောက်စေခဲ့သည်၊ ထို့အပြင် ကျွန်ုပ်အား မိမိ၏ မြောက်များစွာသော အဖန်ဆင်းခံများအပေါ် သာမြတ်မှု ချီးမြှင့်ထားပါသည်။ ကို ရွတ်ဖတ်ပါက ထိုသူသည် သက်တမ်းတစ်လျှောက်လုံး ၎င်းဒုက္ခမှ ကင်းဝေးနေလိမ့်မည်။ ထို့ကြောင့် တစ်ဦးတစ်ယောက်အား ကူးစပ်ရောဂါတစ်ခုခု ကူးစက်ထားသည်ကို ကြားသိရတိုင်း ဤဒိုအာကို ဂရုတစိုက်ဖတ်ပါ။ ဒုက္ခရောက်စေသော ရောဂါမျိုးစုံမှ လွတ်မြှောက်ရန် ဤ မက်စ်နူးန်ဒိုအာများအား တောင်းခံမှုပြုပါ: اللَّهمَّ إِنِّي أَعُوُذُ بِكَ مِنَ الْبرَصِ وَالجُنُونِ والجُذَامِ ومِنْ سَّيِءِ الأَسْقامِ အဓိပ္ပါယ်: အို အလ္လာဟ်! ကျွန်ုပ်သည် အနာကြီးရောဂါ၊ ဦးနှောက်ချို့ယွင်းမှု၊အနူရောဂါနှင့် မကောင်းသော ရောဂါမျိုးစုံမှ အသင်အရှင့်ထံ ခိုလှုံပါသည်။ اَلّٰلهُمَّ عَافِنِي فِيْ بَدَنِيْ، اَلّٰلهُمَّ عَافِنِيْ فِيْ سَمْعِيْ اَلّٰلهُمَّ عَافِنِيْ فِيْ بَصَرِيْ لآ إِلٰهَ اِلاَّ اَنْتَ အဓိပ္ပါယ်: အို အလ္လာဟ်! ကျွန်ုပ်၏ခန္ဓာကိုယ်၊ ကျွန်ုပ်၏အကြားအာရုံနှင့် ကျွန်ုပ်၏အမြင်အာရုံတို့တွင် သက်တောင့်သက်သာမှု ချီးမြှင့်တော်မူပါ။ အရှင်မြတ်မှအပ အခြားခဝပ်ကိုးကွယ်ရာအရှင် မရှိပါ။ သတိပေးချက် - တစ်ခုမှာ ရုပ်ပိုင်းဆိုင်ရာရောဂါ ဖြစ်ပြီး နောက်တစ်ခုမှာ နာမ်ပိုင်းဆိုင်ရာရောဂါ ဖြစ်သည်။ ရုပ်ပိုင်းဆိုင်ရာရောဂါကြောင့် လူသားသည် အများဆုံး ကဗရ်၏ဝမ်းဗိုက်ထဲသို့ ဆင်းသက်သွားရသည်။ နာမ်ပိုင်းဆိုင်ရာရောဂါများဖြစ်သော ကုဖ်ရ်(သွေဖည်ငြင်းဆန်ခြင်း)၊ ဖိစ်က်(ဂုနာဟ်ကျူးလွန်ခြင်း)၊ အကီဒဟ်(ယုံကြည်ချက်)ပျက်ပြားခြင်းနှင့် အအ်မားလ်(ကျင့်ဆောင်ချက်များ) ပျက်ပြားခြင်း တို့ကြောင့် လူသားသည် ဂျဟန္နမ်၏ဝမ်းဗိုက်ထဲသို့ ထိုးကျသွားရသည်။ ရုပ်ပိုင်းဆိုင်ရာရောဂါများအား ကုသရန် အာရုံစိုက်သင့်သည်၊ သို့သော် ၎င်းထက် အများကြီးပို၍ နာမ်ပိုင်းဆိုင်ရာရောဂါများမှ ရှောင်ကျဉ်ရန်နှင့် ထိုရောဂါများအား ကုသရန် အာရုံစိုက်သင့်ပါသည်။ အလ္လာဟ်အရှင်မြတ်သခင် ကျွန်ုပ်တို့အားလုံးအား ရုပ်ပိုင်းဆိုင်ရာနှင့် နာမ်ပိုင်းဆိုင်ရာ ရောဂါများအားလုံးမှ ထိန်းသိမ်းစောင့်ရှောက်တော်မူပါစေ။ واللہ اعلم بالصواب မုဟမ္မဒ်အိလ်ယားစ်ဂွမ္မန် ၁၉ မတ်၊ ၂၀၂၀။ မြန်မာဘာသာပြန်- Ahnaf Media Services-Myanmar PDF Download Link https://my.pcloud.com/publink/show?code=XZa9i9kZzIlldu0tjsB1TvXyj9oVqhAMojXV